გაკვეთილის გეგმა
გაკვეთილის თემა: აკაკი წერეთლის ”თორნიკე ერისთავი” {შემაჯამებელი გაკვეთილი}
სწავლების საფეხური: მე-7 კლასი
მოსწავლეთა პროფილი: კლასში ირიცხება 27 მოსწავლე. შეზღუდული შესაძლებლობის მქონე არავინ არის.
გაკვეთილის მნიშვნელობა: გაკვეთილი ხელს შეუწყობს მოსწავლეთა ზეპირ მეტყველებისა და
კითხვის უნარ-ჩვევების განვითარებას. წარმოდგენას შეუქმნის მე-10
საუკუნის საქართველოზე. მოსწავლეები უკეთესად გაიცნობენ აკაკი
წერეთლის შემოქმედებას. მიეცემათ ცოდნის ინტეგრირების
შესაძლებლობა.{ქართული ლიტერატურა და ისტორია}
გაკვეთილის მიზნები და შედეგები: მოსწავლეები გაიხსენებენ საქართველოს ისტორიას,
კერძოდ მე-10 საუკუნისას, როდესაც ქართლში მეფობდა დავით
კურაპალატი, რომელმაც შეძლო დახმარებოდა ბიზანტიის
დედოფალს ბარდა სკლაროსის აჯანყების ჩაქრობაში.
წინასწარი ცოდნა: მოსწავლეებმა უნდა იცოდნენ ისტორიიდან საქართველოს მდგომარეობა
მე-10 საუკუნეში’ ეს ცოდნა დაეხმარება მათ, რომ ამ გაკვეთილის
ამოცანები წარმატებით შეასრულონ.
შეფასების საგანი და ამოცანები: მოსწავლეთა წარმატებას დავადგენ ზეპირი პრეზენტაციით.
და მსჯელობით. გამოვიყენებ როგორც განმავითარებელი, ისე
განმსაზღვრელ შეფასებას.
საგაკვეთილო მასალა და ტექნიკური რესურსები: გაკვეთილზე გამოვიყენებ მე-7 კლასის
სახელმძღვანელოს, საქართველოს ისტორიულ რუკას,
რომელზეც ასახული იქნება X საუკუნის საქართველო და მისი
მიმდებარე ქვეყნები. ასევე გაკვეთილზე მოხდება ვიდეომასალის
დემონსტრირება.
გაკვეთილის მსვლელობა: აქტივობა 1. წავაკითხებ პოემის შესავალს და დავავალებ, გაიაზრონ
ფრაზა: ”წარსულ ნერგზედ ახალ ნამყნის ველოდებით შეხორცებას”,
პასუხები გაანალიზდება კლასში. ვაჩვენებ ვიდეომასალას
”თორნიკე ერისთავის” შესავალზე.
აქტივობა2. გადავდივართ ”პაუზებიტ კითხვაზე” წავიკითხავთ პოემის პირველ თავს. გზადაგზა
აიხსნება გაუგებარი სიტყვები. მოვაძებნინებ მოსწავლეებს
ომონიმებს და გავარკვევთ მათ მნიშვნელობას (10წთ).
აქტივობა 3. გეგმის შედგენა გონებრივი იერიშით: ბავშვები ასახელებენ და მისაღებ ვარიანტს
ვირჩევთ ცხრილში მოსათავსებლად.
ა) ლხინი მეფის სასახლეში.
ბ) სამსჯავროზე.
გ) ბერძნების გასაჭირი.
დ) ბერძნების გადაწყვეტილება.
ე) ქართველთა თხოვნა.
ვ) კათალიკოსთან საუბარი.
ზ) ბრძოლა აჯანყებულთა წინააღმდეგ.
თ) თორნიკეს გამჭრიახობა.
ი) ბრწყინვალე გამარჯვება.
კ) გაბრიელ
სალოსის რჩევა.
(5წთ)
აქტივობა 4-ტექსტის გააზრება და განმტკიცება კითხვა-პასუხის მეთოდით:
კითხვა: 1. რატომ გადაწყვიტა თორნიკე ერისთავმა საერო სამსახურზე
ხელის აღება?
2.რა გაირკვა სამსჯავროზე?
3.
რა მდგომარეობაში აღმოჩნდა საბერძნეთის დედოფალი თავის
მცირეწლოვან ვაჟებთან ერთად?
4. ვის დაებადა აზრი, რომ საქართველოსთვის ეთხოვათ დახმარება და
მოციქულად თორნიკე ერისთავი გამოეგზავნათ?
5. რა მოითხოვეს დასახმარებლად მიმავალმა ქართველებმა?
6. რატომ თქვა უარი თორნიკემ სარდლობაზე?
7. ვინ დაარწმუნა თორნიკე ერისთავი, ჯარს ჩასდგომოდა სათავეში?
8. როგორი სტრატეგია აირჩია მხედართმთავარმა ბერძნებთან
დახმარებისას?
9. რა ბრძანება გასცა თორნიკემ ბრძოლის დამთავრების შემდეგ?
10.
რა აქვს საერთო თორნიკე ბრძანებას ჟენევის კონვენციასთან?
რამდენი ხნით ადრე იქცეოდნენ ქართველები ჟენევის კონვენციის
მუხლების შესაბამისად?
11.
როგორ განაწილდა ბერძნების მიერ ნაბოძები სიმდიდრე? რა ურჩია
გაბრიელ სალოსმა მეფესა და თორნიკეს?
ვაჩვენებ ვიდეომასალას - ”ამირანი” .
აქტივობა 5 - პერსონაჟთა მარტივი დახასიათების მიზნით ”გონებრივი იერიშის რუკის” ვენის
დიაგრამის შევსება მოსწავლეთა მონაწილეობით, გონებრივი იერიშის
გამოყენებით.
აქტივობა 6 - საშინაო დავალება: ”თორნიკე ერისთავი” მთლიანი ტექსტი გასამეორებლად.
დასაწერად თორნიკე ერისთავის დახასიათება.
